Maríustofa er lítið fallegt hvítt hús á lóð Maríuborgar, 5 deildin.

Í Maríustofu eru 16 börn á aldrinum 3 - 6 ára og þrír leikskólakennarar.

Þrisvar sinnum í viku fara börnin í í skipulagt hópastarf og má þar nefna skólastund, málörvun, hreyfingu, listir og þematengt efni s.s. dygðir, líkaminn, árstíðir og hefðir svo eitthvað sé nefnt. Einu sinni í viku fara elstu börnin í íþróttir í íþróttasal Ingunnarskóla og yngri börnin í íþróttir í salnum í Maríuborg. Einnig fara elstu börnin í heimsókn í Ingunnarskóla og hitta þar kennara  einu sinni í mánuði. Yngri börnin fara í danstíma einu sinni í viku undir stjórn Lilju Rutar kennara á Brekku.

Í Maríustofu leggjum við mikið uppúr gildum leikskólans sem eru: LEIKUR - SAMSKIPTI - NÁMSGLEÐI

Við vinnum með T.M.T (tákn með tali) og lífsleikni sem er rauður þráður í gegnum allt okkar daglega starf. 
Við tökum fyrir eina dygð í lífsleikninni fyrir áramót sem er VINSEMD  og eftir áramót vinnum við með ÁBYRGÐ.

Við leggjum mikið upp úr frjálsum leik barnana þar sem hann er lífstjáning, náms og þroskaleið barnsins. 
Útiveran er góður staður til að vinna með frjálsa leikinn, við förum í útiveru eftir  hádegi alla daga vikunnar.

Á föstudögum hittast öll börnin í salnum og fara saman í söngstund þar sem deildarnar skiptast á að leiða söngstundina. Einnig fara börnin á ýmis svæði sem boðið er upp á í Maríuborg og eru þar með kennara sínum.

Foreldrar eru alltaf hjartanlega velkomnir í heimsókn í Maríustofu og fylgjast með börnum sínum í leik og starfi.