Læsisstefna Maríuborgar 2014

Læsisstefna bæklingur til foreldra 2014

Með lífsleikni er átt við hæfni til að takast á við lífið sjálft. Segja má að leikskólanámið sé í raun samfellt lífsleikninám. Það felur í sér áherslur sem stuðla að því að barnið læri umburðarlyndi í samskiptum sínum og samneyti við aðra. Markmiðið er að starfsmenn verði meðvitaðir um aðferðir sem beita má til að draga úr streitu og hraða í umhverfinu og að stöðugt sé haft að leiðarljósi mikilvægi þess að skapa traust og öryggiskennd meðal barna og fullorðinna. Leitast er við að efla og styrkja frumkvæði barnanna svo þau verði hæfari seinna meir til að takast á við líf og starf í lýðræðissamfélagi.

Í hverri viku leggjum við áherslu á eitt fyrirfram ákveðið lag sem öll börnin í leikskólanum eru að læra. Við veljum það með tilliti til árstímans og hvað við erum að leggja áherslu á hverju sinni. Við eigum eitt ákveðið "vinalag" sem við syngjum alltaf í upphafi hverrar söngstundar í salnum á föstudögum.

Lagið er:
Við erum góð, góð hvort við annað
stríðum ekki, eða meiðum neinn.
:.Þegar við grátum, huggar okkur einhver
þerrar tár og klappar okkar kinn.: